Poésies diverses
François Villon
Ballade de bon conseil
Ballade des proverbes
Ballade des menus propos
Ballade des contre vérités
Ballade contre les ennemis de la France
Rondeau
Ballade du concours de Blois
Epître à Marie D'Orléans
Epître à ses amis
Requête à Monseigneur de Bourbon
Le Débat du Coeur et du Corps de Villon
Problème [Ballade de la Fortune]
Ballade des pendus (L'Epitaphe Villon)
Louenge à la court
Question au clerc du guichet
Ballade de bon conseil
Hommes failliz, bersaudez de raison,
Desnaturez et hors de congnoissance,
Desmis du sens, comblez de desraison,
Folz abusez, plains de descongnissance,
Qui procurez contre vostre naissance,
Vous subzmettans a detestable mort
Par lascheté, las ! Que ne vous remort
L'orribleté qui a honte vous maine ?
Voyez comment maint jeunes homs est mort
Par offenser et prendre autruy demaine.
Chascun en soy voye sa mesprison !
Ne nous vengons, prenons en pacïence :
Nous cognoissons que ce monde est prison
Aux vertureux franchis d'impacïence.
Batre, rouiller, pour ce n'est pas scïence ;
Tollir, ravir, piller, meurtrier a tort :
De Dieu ne chault, trop de verité se tort
Qui en telz faitz sa jeunesse demaine,
Dont a la fin ses poins doloreux tort,
Par offenser et prendre autruy demaine.
|
