|
Jacques Cartier - Voyage au Canada
Elle ne présente, en effet, qu'un total de vingt chapitres, à séparer en deux parts de dix chapitres chacune,
entre lesquelles doivent justement s'intercaler les deux chapitres oubliés, que voici:
Comme ledict peuple de jour en jour nous apportoient du poisson &de ce quilz avoyent a noz
navires, &comme par l'advertissement de Taignoagny &Dom Agaya ledict peuple se retira de venir
&comme il y eut aucun discort entre nous &eulx.
Et despuis de jour en aultre venoit ledict peuple a noz navires & apportoient force anguilles &aultres
poissons pour avoir de nostre marchandise, de quoy leur estoit baille cousteaulx, allaisnes, patenostres
&aultres menues choses dont se contentoient fort; mais nous aperceusmes que les deux meschans que
avions apportez leur disoient & donnoient a entendre que ce que nous leur baillons ne valloit riens &
quilz auroient aussi tost des hachotz comme des cousteaulx pour ce quilz nous bailloient, nonobstant que
le cappitaine leur eust faict beaucoup de presens &si ne cessoient a toutes heures de demander audict
capitaine. Lequel fut adverti par ung seigneur de la ville de Hagonchenda quil se donnast garde de
Donnaconna &desdicts deux meschans &quilz estoient agoinda qui est a dire traitres. Et aussi en fut
adverty par aucuns dudit Canada, &aussi que nous apperceusmes de leur malice parce quilz voulloient
retirer les trois enfans que ledict Donnacona avoit donnez audict cappitaine, &de faict firent fuyr la plus
grande des filles du navire. Apres laquelle ainsi fuye fist le cappitaine prandre garde es aultres. Et par
l'advertissement desdicts Taignoagny &Dom Agaya, se abstenoient &depportoient de venir avec nous
quatre ou cinq jours, sinon aulcuns qui venoient en grand paour & crainte.
Comment le cappitaine doubtant quilz ne songassent aucune trahison fist renforcer le fort &comment
ils vindrent parlementer avecques luy &la rendition de la fille qui sen est fuye.
Voyant la malice deulx, doubtant quils ne songeassent aucune trahison & venir avecques ung amast de
gens sur nous, le capitaine fit renforcer le fort tout a lentour de groz fossez larges &profondz avec porte a
pont-leviz &renffort de pans de boys au contraire des premiers. Et fut ordonne pour le guet de la nuyt
pour le temps advenir cinquante hommes a quatre quars &a chascun changement desdicts quars les
trompettes sonnans ce qui fut faict selong ladicte ordonnance. Et lesdicts Donnacona Taignoagny &Dom
Agaya estans advertiz dudict renffort &de la bonne garde &guet que lon faisoit furent courroucez destre
en la male grace du cappitaine &envoyerent par plusieurs fois de leurs gens faignant quilz feussent
dailleurs pour veoir si on leur feroit desplaisir desquelz on ne tint compte &nen fut faict ny monstre
aucun semblant. Et y vindrent lesdicts Donnacona Taignoagny, Dom Agaya & aultres plusieurs fois
parler audict cappitaine une riviere entre d'eulx, demandant audict cappitaine sil estoit marry &pourquoy
il nalloit a Canada les veoir. Et ledict cappitaine leur respondit quilz nestoient que traitres &meschans
ainsi que on luy avoit rapporte, & aussi quil avoit apperceu en plusieurs sortes comme de navoir tins
promesse de aller a Hochelaga &de avoir retire la fille que on luy avoit donnee, &aultres mauvais tours
quil leur nomma; mais pour tout ce que silz voulloient estre gens de bien &oublyer leur malle volunte,
quil leur pardonnoit &quilz vinssent seurement a bort faire bonne chere comme pardevant. Desquelles
parolles remercierent ledict cappitaine & luy promisrent quilz luy rendroient la fille qui sen estoit fuye,
dedans trois jours. Et le quatriesme jour de novembre Dom Agaia accompaigne de six aultres dict
cappitaine que le seigneur Donnacona estoit alle par le pays sercher ladicte fille &que le lendemain elle
luy seroit par luy amenee. Et oultre dit que Taignoagny estoit fort malade &quil prioit le cappitaine lui
envoyer ung peu de sel &de pain, ce que fist ledict cappitaine, lequel luy manda que cestoit Jhesu qui
estoit marry contre luy pour les maulvais tours quil avoit cuyde jouer.
Et le lendemain ledict Donnacona, Taignoagny, Dom Agaya &plusieurs aultres vindrent &amenerent
|
